Mae’r gwaith a wnawn yn GLlTEM yn gwneud gwahaniaeth gwirioneddol i fywydau pobl. I’r bobl sy’n gweithio o fewn ein system gyfiawnder ac i’r bobl sydd ynghlwm â hi.
Gan fod gwneud gwahaniaeth gwirioneddol i fywydau pobl yn rhan mor annatod o weithio yn GLlTEM, rydym wedi’i gynnwys mewn cytundeb â phawb sy’n gweithio yma. Mae’n cael ei alw’n addewid pobl.
Mae addewid pobl yn golygu, os ydych chi’n…
… gwneud gwahaniaeth gwirioneddol i fywydau pobl
rydym yn addo y byddwn yn…
… gwneud gwahaniaeth go iawn i’ch un chi.
Mae’r canllaw hwn yn esbonio beth mae ein addewid pobl yn ei olygu i chi, eich gwaith o ddydd i ddydd a’ch dyfodol gyda GLlTEM.
Yr hyn y mae ein pobl yn ei ddweud
“Rwy’n teimlo fy mod yn cael fy ysbrydoli bob dydd gan y straeon rydyn ni’n eu clywed, y bobl rydyn ni’n eu cyfarfod, yr heriau rydyn ni’n eu goresgyn i wella’r gwasanaeth rydyn ni’n ei ddarparu, a’r gefnogaeth rydyn ni’n ei rhoi i’n gilydd a’r cyhoedd.
Mae ein tîm yn ymfalchïo yn y gwahaniaeth a wnawn i fywydau pobl bob dydd.”
Amanda Blackler, Llys y Goron a Llysoedd Sirol Plymouth
Arweinydd Blaen Tŷ a Rheolwr y Rheithgor
Ac mae pobl sy’n defnyddio ein gwasanaethau yn dweud wrthym ein bod yn gwneud gwahaniaeth gwirioneddol i’w bywydau.
“Mae’n gyfnod llawn straen a hyd yn oed gyda fy nghyfreithiwr, roeddwn i’n dal i deimlo fel pysgodyn allan o ddŵr, ond roedd y bobl yn y llys yn gyfeillgar iawn ac wedi fy helpu i setlo fy nerfau.”
“Roedd fy mhrofiad o wasanaethu ar reithgor yn un hynod o anodd. Roedd holl staff y llys yn dda iawn ac yn esbonio popeth i bob un ohonom a oedd ar y rheithgor. . . Hoffwn ddiolch i’r tywyswyr a’r holl staff sydd i gyd yn haeddu cael eu canmol i’r lleuad ac yn ôl. Diolch yn fawr.”
